Date: Dec 12, 2022

काठमाडौं । नेपाल सुनचाँदी ब्यवसायी महासंघले प्रादेशिक संरचनाका आधारमा सुन वितरणको ब्यवस्था मिलाउन सरकारसँग आग्रह गरेको छ । महासंघका अध्यक्ष माणिक रत्न शाक्यको नेतृत्वमा शोमबार गएको प्रतिनिधी मण्डलले नेपाल राष्ट्र बैंकका डेपुटी गभर्नर वम बहादुर मिश्रसँग भेटगरी संघिय सरचना अनुरुप हुनेगरी सुन वितरणको कार्यविधी शंशोधनगर्न आग्रह गरेको हो । हालसम्म पुरानै संरचना अनुरुप अञ्चलगत रुपमा वनेको कार्यविधी अनुसार सुन वितरण हुँदै आएको र विद्यमान अवस्थामा सो विधी ब्यवहारिक हुन नसकेको भन्दै महासंघले यथासिघ्र प्रादेशिकरुपमा सुन बाँडफाँटको ब्यवस्था मिलाउन आग्रह गरेको हो । त्यसक्रममा नेपाल राष्ट्र बैंकका डेपुटी गभर्नर वम बहादुर मिश्रले महासंघले राखेको मागलाई आफूले गंभिररुपमा लिएको र यस बिषयमा सम्वन्धित निकायमा परामर्श गरी आवश्यक निर्णय लिइने बताउनुभयो । त्यसक्रममा उहाँले एउटा बैंकको खातावाट सवै बैंकमार्फत कारोबार हुने सक्ने ब्यवस्था मिलाउन र कार्यविधिमा तोकिएका नाकाहरुवाट सहजरुपमा सुन उपलब्ध हुने ब्यवस्था मिलाउन ब्यवसायीले गरेको आग्रह अनुरुप त्यसलाई कार्यान्वयनमा ल्याउन आवश्यक पहल गर्ने आश्वासन दिनुभयो । भेटका क्रममा ब्यवसायीहरुले सुनको कोटा कम हुँदा देशभरका सुनचाँदी ब्यवसायी मर्कामा परेको उल्लेख गर्दै आपूर्ति प्रणालीमा सुधार गर्न समेत आग्रह गरे । त्यस अवसरमा महासंघका अध्यक्ष शाक्यले ब्यवसायीले सुन खरिद गर्दा प्रत्येक बैंकमा खाता खोल्नुपर्ने बाध्यात्मक र असहज अवस्था रहेको बताउनुभयो । यस्तै उहाँले देशका विभिन्न नौ नाकाहरुवाट सुन उपलब्ध गराउनु पर्ने ब्यवस्था कार्यविधित्रमा रहेको भए पनि बैंकहरुले त्यस अनुसार काम नगरेकोले ब्यवसायीलाई सुन दिन काठमाडौंमा नै धाउनुपर्ने बाध्यता रहेको उल्लेख गर्नुभयो । पछिल्लो समयमा दैनिक १० किलोकादरले सुनको अयात हँदै आएको छ । जुन बजारको मागको तुलनामा अतयन्तै कम भएको ब्यवसायीको गुनासो छ ।

सुनचाँदी ब्यवसायलाई घरेलु उद्योगकोरुपमा विकास गर्न सकिन्छः राष्ट्रपति पौडेल

नेपाल सुनचाँदी ब्यवसायी महासंघको दशौं स्थापना दिवस भब्यताका साथ सम्पन्न

सुनका गरगहनाको कारोबार गर्ने ब्यवसायी लाई अपराधि जस्तो ब्यवहार गर्न थालियोः नेपाल सुनचाँदी ब्यवसायी

नेपाल सुनचाँदी ब्यवसायी महासंघका सल्लाहकारहरु सम्मानीत

बजारको आवश्यकता अनुसार सुन चाँदी उपलब्ध गराउन प्रतिवद्ध छौंः गभर्नर अधिकारी

ब्यवसायीक सुरक्षाको प्रत्याभूति दिलाउन सुनचाँदी ब्यवसायीको आग्रह

प्रादेशिक संरचना अनुसार सुन वितरणको ब्यवस्था मिलाउन आग्रह

वहुमुल्य वस्तुको कारोबार र त्यसको ब्यवस्थापनका बिषयमा छलफल सम्पन्न

सुनचाँदी ब्यवसाय प्रवर्धन र प्रविधि हस्तान्तरणकालागि इण्डियन इन्टरन्यासनल ज्वेलरी शो उपलब्धिमूलक

सुुनचाँदी ब्यवसायका लागि आवश्यक नीति बनाउन सरकार तयार छः मन्त्री वडु